Tha mi a' fuireach ann an Wollongong (tha cuid ag ràdh gu bheil sin a' ciallachadh "Fuaim nan Tuinn" air neo "Fuaim na Mara"). Sin freagarrach leis gur e baile caol fada ri taobh na mara a th'ann an Wollongong.
Chan eil ach an aon Gàidheal sa bhaile. Gu mi-fhortanach tha call inntinn air a-nis agus tha e gu math bochd.
Bha fear eile sa bhaile à Islibhig, Leòdhas le MacAmhlaigh air, ainm a bh'air mo shinnsearan agus àite às an d'thàinig iad. Cha do thachair mi riamh air mus a bhàsaich e.
Tha mi fortanach gu bheil càirdean Skype agam, fear ann am Beinn na Faola 's tè eile sa Ghearmailt. Bidh sinn a' bruidhinn ri chèile a h-uile seachdain-deireadh. Tha cearcall comhraidh againn ann an Sydney a h-uile mios cuideachd, 's tha an fhirinn ann, cha bu chòir dhomh a bhith a' gearain idir.
