Beth am newid?

[Garethboxing]

Does neb wedi postio dim byd ar y rhan yma o'r seit ers Dydd Gwyl Dewi ac o'n i jyst yn meddwl roedd hen bryd i ni weld rhywbeth arall fel "neges olaf" am newid!
   Gareth

[SS from The Rhondda]

Ddeisyfa a Allais chyfranna hychwaneg 'r 'r Cymraeg adran. Namyn Adwaen hychydigyn chan 'm fam balog.


(Gobeithia hon chyfieithiad ydy da!  )

[Dolgellau]

Diolch am drio SS, mae'n cael ei werthfawrogi yn fawr. Yn anffodus mae'r cyfieithydd Cymraeg ar-lein yn Merde, yn ôl y cyfieithydd Ffrenig.

Thanks for trying SS, it's appreciated. Unfortunately the Welsh on-line translator is Merde as the French translator would say!

[Dolgellau]

Er bod rhywfaint o dafod ym moch yn llythyr Garethboxing, mae o'n gwneud pwynt sylweddol.

Mae 'na thua phum wefan sy'n ymwneud ag achau Cymreig ar gael i drafod y pwnc trwy'r iaith Gymraeg

Y parth yma'n amlwg. Parth tebyg ar BG Forums, sydd yn ofnadwy o brin o negeseuon.

Rhestr E-bost GWREIDDIAU:

http://lists.rootsweb.com/index/intl/WLS/GWREIDDIAU.html

Trafodaethau Maes-e ar Hel Achau:

http://maes-e.com

A hen safle'r rhaglen deledu Hel Achau ar S4C (hen bryd am ail-gyfres)

http://www.s4c.co.uk/helachau/

Yn anffodus mae'r rhan fwyaf ohonom yn dueddol o ofyn am gymorth trwy'r Saesneg yn gyntaf, gan fod cymorth Saesneg yn haws ei gael. Er bod yr ymateb yn debygol o gael ei roi, yn yr iaith wreiddiol, gan Gymro Cymraeg.

Dyma sialens i Gymry Cymraeg y parth yma, ac aelodau pob un o restrau Rootsweb Cymru. Cyn ofyn am gymorth trwy'r Saesneg, gofynnwch yma neu ar GWREIDDIAU yn gyntaf. O fethu cael ateb o fewn tridiau ewch at y parthau / rhestrau Saesneg.

Rho gynnig i'r Gymraeg yn gyntaf, er mwyn creu trafodaeth hel achau Cymraeg!

[trystan]

Beth am defnyddio y bwrdd yma I hel achau?

[eric]

Rydym ni fel Cymry wedi mynd yn ddiog iawn ac yn ei gweld yn haws ceisio hel achau drwy gyfrwng yr iaith fain.Hefyd mae pobl yn dueddol i gychwyn y goeden deuluol yn Saesneg trwy bod mwy o lyfrau ag ati ar gael i roddi cymorth.Beth bynnag mae'r safle yma'n gyfrwng ardderchog i gysylltu hefo pobl a hefyd yn rhoi cyfle i ymarfer yr iaith ysgrifenedig sydd yn gallu bod yn reit anodd.Pob hwyl ichwi i gyd.

[Hazel17]

Buaswn yn mwynhau ofyn am gyngor trwy'r iaith Gymraeg ond yn anffodus does yna neb Gymraeg yn fy nghoeden deulu. Dwi'n dwad o Ogledd Cymru ond mae fy rieni yn Saesneg. Roedd un o neiniau Nain i fod yn Gymraes ond ganwyd un yn Birminham a'r llall yn Llundain.  Mae 'na'r cyfenwau Roberts, Jones ac enw canol Griffin yn nheuluoedd y ddwy ond mae pob llwybr yn mynd ymhellach i fewn i Loegr. Roeddwn yn gobeithio darganfod nhw yn byw yng Nghymru dan un censws neu man geni yng Nghymru ond dim llwc hyd yn hyn. 

[pinot]

      Diolch am y cysylltau gan Dolgellau i Gwreiddiau a maes-e; does dim un neges wedi ei phostio yn Gymraeg ar Gwreiddiau ers dwy flynedd, ac ar maes-e mae rhywun yn gorfod tyrchu drwy domennni o sothach plentynnaidd i ddod o hyd i unrhywbeth gwerth sylw. Rydw i'n tueddu i gytuno efo Trystan, mai fan hyn ydi'r lle gorau i bostio negeseuon Cymraeg.
      I wneud y Gymraeg yn fwy amlwg ar y tudalennau yma efallai pan fyddwn ni'n gweld cwestiwn Cymraeg y dylen ni bostio i ddweud nad oes ganddon ni ddim ateb. Hwyrach y gwna' i ei drio fo.
                    Diolch i Garethboxing am gychwyn y llinyn yma ('edefyn' ydi'r gair modern mewn llefydd eraill, os cofia' i, ond mae 'llinyn' yn nes at flaen fy nhafod i.
                          Daliwch i gredu,
                                                          Pinot