Teulu Parry/Pritchard yn Llanrug/Llanddeiniolen.

[Huwcyn]

'Dwi 'di mynd yn hollol, hollol sownd ers beth amser gyda fy hen,hen daid. Fe gafodd ei ladd yn Dinorwig yn 1859 yn 33 oed , a'r enw ar y garreg fedd yw John Parry (mynwent Llanrug) . Y drws nesaf iddo mae  bedd Richard Parry (1833? - 1856 ) , ac mae'r ddau gyda cysylltiad a Didfa yn Llanrug. Credaf i John Parry symud i fyw i Llanddeiniolen yn ystod y cyfnod 1851- 1859.
Enw gwraig John Parry oedd Cathryn Parry , a gwraig Richard Parry oedd Ellin Parry. Yr wyf yn cymeryd mai dau frawd oeddent , ond nid wyf yn hollol sicr . Roedd gan John Parry dri o blant, Jane (1855), Henry Pritchard (Parry)(1858) , ac Ellin (1859) . Dim ond cofnod o eni Henry yr wyf wedi llwyddo i ganfod . Ni allaf gael hyd i gofnodion prioadasau na geni'r rhieni ychwaith.
Yr oedd gan Richard Parry o leiaf un plentyn, William .
     Nid wyf yn gallu cael unrhyw wybodaeth sicr cyn y cyfnod yma. Mae marwolaeth John Parry wedi ei gofnodi mewn un lle fel marwolaeth John H. Pritchard, ac mae censws 1851 yn rhoi teulu yn Bryn Mihangel, Llanrug gyda'r un enwau ac oedran a'r un gwaith a John/Richard , ond cyfenw gwahanol -sef Pritchard .
Enw'r tad yw Henry Pritchard . Ni allaf gael hyd i deulu sy'n 'match' cystal gyda'r cyfenw Parry .
Mae bedd y tu ol i rai John a Richard yn perthyn i Thomas Parry o Dol Helig , ac mae censws 1841 yn dangos fod gwas yno o'r enw John Pritchard a fuasai'r un oed a John Parry .
   Mae'n ddipyn o lobsgows, a dweud y gwir ! Oes yna rhywun sy'n perthyn i'r Parrys/Pritchards yma i gyd (Mae yna rhyw hanes teuluol bod ni'n perthyn i Bob Parry, auctioneers) , neu'n gallu dweud oes fuasai yna rhyw reswm i ddau frawd newid eu henwau(neu beidio) , neu gallu dweud lle mae Bryn Mihangel, buaswn yn ddiolchgar tu hwnt am gymorth !
   

[Hughes17]

Does gen i ddim cysylltiad gyda'r Parry's na'r Pritchards hyd y gwyddwn i er fy mod wedi fy magu yn Llanrug.

Y peth sydd yn fy nharo i wrth ddarllen eich post ydi'r posibilrwydd fod y Pritchards ar Parry y rhyn pobl.

Dwi'n credu fod na gliw golew yn enwau'r plant. Yn ol eich post Henry oedd enw'r mab hynaf John Parry. Felly buaswn i yn awgrymu mae Henry neu Harry Pritchard oedd enw Tad John Parry/Pritchard.

Yn ol yr hen drefn o enwi. Mae Harry yr un peth ac Henry. Mae John yn fab i Harry. John ap Harry yn mynd yn Parry. Gan fod y drefn cyfenw yn newid yn ystod y cyfnod yma mae'r ddau gyfenw yn gael ei ddefnyddio. Felly mae'n debygol iawn for John Parry ac John H (Harry/Parry) Pritchard yr un person.

Mae gen i sawl engraifft o hyn yn digwydd yn fy ngoeden a mae rhaid ystyried y dday gyfenw wrth gerdded o amgylch mynwentydd ac edrych drwy ddogfennau swyddogol.

Dydw i ddim yn gyfarwydd gyda'r enw Bryn Mihangel. Llan fihangel ydi enw'r eglwys a Bryn Llan ydi enw'r Fferm gyfagos. Tybed os mae fferm Bryn Llan Mihangel oedd hi'n wreiddiol.

[Huwcyn]

Wel ia siwr- wnaeth o ddim taro fi y gallai'r Parry ddod o Henry mor sydyn. Mae'r enw Harri yn frith yn y teulu, a tydi rhywun ddim yn arfer gweld y ffurf ysgrifenedig rhywsut. Diolch yn fawr. Bydd yn amhosibl profi ei fod yn gywir, ond gellir chwilio os yw'n bosibl ei dadbrofi.

[Gwil]

Huwcyn

Mae genni wybodaeth am deulu o Jones efo cyfeiriad Didfa, Llanrug yn Rhyfal Byd cyntaf os ydi nhw yn eich coeden.
Tad. Griffith R Jones geni 1865 a beth bynnag dau o'r meibion. Un yn y Machine gun Corps a'r llall yn cwffio efo'r Canadians.

Hefyd gen i dipyn am Thomas John Davies (o Brynmihangel yn ol y gofgolofn ond o 12 Bryngwyn Terrace yn ol CWGC a'r Herald). Fe farwodd o yn Egypt Tachwedd 1915 ar ol bod yn cwffio yn Gallipoli (lot yn marw o dysentery etc). Yn mis Hydref roedd o wedi sgwennu at Henry Parry,hairdresser, Disgwylfa Terrace. Enw ei fam o oedd Jane Davies.


Gwil

[Huwcyn]

Dwi'n meddwl fod fy nheulu wedi symud (yn bell !) i Penisarwaun erbyn dechrau'r ganrif ddiwethaf.
Mi oedd fy nhaid hefo ewythr o'r enw Henry Parry (Mab John Parry/Pritchard) , ac mae'n bosibl fod Richard Parry hefo mab o'r un enw hefyd. Dwi'n cofio mam yn dweud fod yr Henry Parry yma'n byw yn Glanrafon , dros yr afon i Seiont Manor , bron iawn. Alla i ddim dychmygu neb yn fy nheulu i'n farbwr, chwaith ! . Diolch yn fawr .

[GillyJ]

Nid wyf i yn perthyn i'r teulu yma dwy dim yn meddwl ond  weithiau oedd pobl o Sir Fon yn trafeilio i gweithio yna a yr wyf i yn perthyn i'r teulu Parry o Pentraeth ac yr oedd un o'r teluu wedi rhoi ei enw ar un o'r hen tai.
Nid wyf i yn cael siawns i ysgrifennu cymraeg yn aml ond y mae yn posib fod na "Link" i'r parry's o sir fon.
Bob lwc

[Huwcyn]

Mi roeddwn i'n meddwl ar un pryd (am ryw ddiwrnod) mai un o Amlwch oedd John Parry, ond bu fy nhaid yn byw ochrau Mynydd Bodafon am rhyw pum mlynedd, ac yn sicr nid oedd ganddo deulu yn yr ardal. Yr oedd llawer o bobl wedi symud o Sir Fon i ardal y chwareli , ond nid y Parrys yma ! .
Yr oedd llawer o hogiau sir Fon yn byw yn y barics ar top y chwarael, yn cychwyn cerdded ben bore Llun ac yn croesi i'r Felinheli o Moel Y Don. Tueddol o fod yn rwbelwyr ayb oeddent , gan fod angen dechrau dysgu crefft chwarelwr yn ifanc.
        Mae dylanwad pobl Mon yn dal ar lafar gwlad yn yr ardal. Enw pobl Deiniolen ydi ' hogia Llanbabo' , gan fod yna stori fod cymaint o bobl o'r pentref yna yn Sir Fon wedi mudo yno. Mi rodd o di peintio ar Wal y Faenol am flynyddoedd !

[Huwcyn]

Wedi llwyddo i gadarnhau y cyswllt rhwng Henry Pritchard a John a Richard Parry
bellach - diolch i bawb ( dirgelwch teuluol ers gryn ganrif, a dweud y gwir ! )

[Huwcyn]

Ymddengys mai bwthyn agos at Didfa oedd Bryn Mihangel.